«Տեխնոման» ընկերության կողմից արտադրվող սննդային ոլորտում օգտագործվող ածխաթթու գազի կարևորագույն առավելությունն այն է, որ կորզումն իրականացվում է բնական հիմքով: Բնական հիմքից՝ հանքային ջրից, CO2-ի կորզումն ապահովում է ապրանքի բարձր որակը, և վնասակար չէ առողջությանը:
Հաշվի առնելով տեխնոլոգիաների առանձնահատկությունները՝ ընկերությունը կառուցել է գործարան, որն արտասահմանյան լավագույն տեխնիկով հագեցվածությամբ ողջ տարածաշրջանում միակն է: Գործարանը գտնվում է Գեղարքունիք մարզի Լիճք գյուղում, հագեցած է սարքավորումներով: Սարքավորումներն անցել են անհրաժեշտ փորձաքննություն «Տեխնիկական անվտանգության ազգային կենտրոն» ՊՈԱԿ-ի կողմից, համապատասխանում են անվտանգության ստանդարտներին և գտնվում են նրանց մշտական հսկողության տակ:
Ածխաթթու գազի (CO2) զտման, մշակման, տեղափոխման գործընթացներն իրականացվում են ավտոմատացված՝ առանց մարդու միջամտության: 400մ ընդերքից դուրս բերվող ջրից առանձնացվում է գազը: Հատուկ խողովակներով տեղափոխվում է գործարան, ըստ այդմ էլ, արտասահմանյան բարձր որակի սարքավորումներով կատարվում է անհրաժեշտ մասնագիտական մշակում:
CO2 զտման գործընթացն իրականացվում է մի քանի փուլերով.

Ընդերքից ջրի արդյունահանում,

Ջրից բնական գազի զտում,

Հատուկ խողովակների միջոցով գազի տեղափոխում դեպի գործարան,

Գազի մեջ առկա խոնավության առաձնացում (չորացման փուլ)

Գազի մեջ առկա օտար մարմիններից զտում, մշակում (3 անգամ)

Գազի սառեցում

Սպառողի հարմար վերջնական տեսքի բերում:

Վերջնական կորզված արտադրանքը մշտապես ենթարկվում է լաբորատոր ստուգումների: Դրանք իրականացվում են Եվրոպայում. պարբերաբար նմուշներ են ուղարկվում համապատասխան լաբորատորիաներ, որտեղից և հաստատվում են արտադրանքի որակական հատկանիշները:
Գործարանում աշխատում են փորձառու և տարբեր վերապատրաստումներ անցած մասնագետներ, ինչպես նաև, արտասահմանյան նորմերին համապատասխան բարձրորակ սարքավորումներ, որոնք ձեռք են բերվել համաշխարհային հեղինակություն ունեցող «Յունիոն Ինժիներինգ» ընկերությունից:
«Յունիոն Ինժիներինգ»-ը ոլորտում հայտնի ընկերություն է, մասնագիտացված է ածխաթթու գազ կորզող և վերականգնող տեխնոլոգիաների մշակման բնագավառում: Գործում է 1933թ.-ից: Վերջին 30 տարիների ընթացքում ընկերությունը սարքավորումներ է մատակարարել ավելի քան 1000 CO2 կորզող կայանների 110 երկրներում: Կայանների տեղադրման և արտոնագրերի շնորհիվ ընկերությունը դարձել է արդյունաբերության ոլորտի վստահված առաջատարներից մեկը:
«Յունիոն Ինժիներինգ» -ը տեխնոլոգիաներ և սարքավորումներ է մատակարարում Բրազիլիայի, Չինաստանի, ԱՄՆ, ՌԴ, Չիլիի և այլ երկրների տասնյակ ընկերություններին:
«Տեխնոման» ընկերությունը կիրառում է PUR-D սարքավորումը , որը նախատեսված է արտադրանքի վերջնական մաքրման համար: Այն ապահովում է 99.999 տոկոսանոց աննախադեպ մաքրության ածխաթթու գազ:
«Յունիոն Ինժիներինգ» սարքավորումներն ունեն մի շարք առավելություններ, կարևորագույններից մեկն այն է, որ դրանք աշխատում են առանց ջրի և մշտապես արդյունավետ են: Ընկերության գազազտիչ և ֆիլտրող տեխնոլոգիաների շնորհիվ կորզված CO2-ը մաքրվում է շուկայի ամենաբարձր որակի պահանջներին համապատասխան: Այս սարքավորումների շնորհիվ հնարավոր է տարեկան խնայել մոտ 4.600 մ3 խմելու ջուր 1000 կգ/ժ աշխատող գործարանների համար:
Կարդալ ավելին